Veranstaltungsreihe scoutCOUCH

Im nöie, drüteilige Format scoutCOUCH näme gladni Gescht uf dr Couch Platz u diskutiere über d Pfadi, d Gesellschaft u Mönsche. Aui si iglade zum Zuelose, Mitdisktutiere u Witerdänke.

Am Donnschtigabe, 12. März 2020, diskutiere d Couch-Gescht unterem Titu «Pfadi aktuell» über d Pfadigrundsätz vo BiPi bis hüt. Nachemne churze Themeinput findet dr Thomas als Moderator use, weli Grundsätz für d Gescht uf dr Couch hüt ir Pfadi am wichtigschte si und wie sich das veränderet het.

Mir fröie üs uf ne gmüetleche Abä mit spannende Diskussion u öppe o biz Kontroversene. U ar Bar tüemer öich gärn mit Getränk u Snacks vürpflege.

Weli Gescht chöme, wärdemer öich im nächschte Newsletter mitteile.

Witeri Infos i üsem Flyer.

Kategorien: Uncategorized